Меѓународниот аеродром Шангај Пудонг е еден од двата меѓународни аеродроми во Шангај и главен авијациски центар на Кина. Аеродромот Пудонг главно опслужува меѓународни летови, додека другиот голем аеродром во градот, Меѓународниот аеродром Шангај Хонгчао, главно опслужува домашни и регионални летови. Сместен околу 30 километри источно од центарот на градот, аеродромот Пудонг зафаќа површина од 40 квадратни километри (10.000 акри) веднаш до крајбрежјето во источен Пудонг. Аеродромот е управуван од страна на Аеродромската управа на Шангај.
Аеродромот Пудонг има два главни патнички терминали, опкружени од двете страни со четири паралелни писти. Трет патнички терминал е планиран од 2015 година, покрај сателитскиот терминал и две дополнителни писти, што ќе го зголеми неговиот годишен капацитет од 60 милиони патници на 80 милиони, заедно со можноста за ракување со шест милиони тони товар.
