La Nacia Stadiono de Pekino, oficiale la Nacia Stadiono[3] (ĉine: 国家体育场; pinjino: Guójiā Tǐyùchǎng; laŭvorte: "Nacia Stadiono"), ankaŭ konata kiel la Birdonesto (鸟巢; Niǎocháo), estas stadiono en Pekino. La stadiono (BNS) estis komune desegnita de la arkitektoj Jacques Herzog kaj Pierre de Meuron de Herzog & de Meuron, la projektarkitekto Stefan Marbach, la artisto Ai Weiwei, kaj CADG, kiu estis gvidata de la ĉefa arkitekto Li Xinggang.[4] La stadiono estis desegnita por uzo dum la Someraj Olimpikoj kaj Paralimpikoj de 2008 kaj estos uzata denove en la Vintraj Olimpikoj kaj Paralimpikoj de 2022. La Birdonesto foje havas kelkajn ekstrajn provizorajn grandajn ekranojn instalitajn ĉe la tribunoj de la stadiono.