O aeroporto internacional de Shanghai Pudong é un dos dous aeroportos internacionais de Shanghai e un importante centro de aviación da China. O aeroporto de Pudong serve principalmente voos internacionais, mentres que o outro aeroporto importante da cidade, o aeroporto internacional de Shanghai Hongqiao, serve principalmente voos nacionais e rexionais. Situado a uns 30 quilómetros ao leste do centro da cidade, o aeroporto de Pudong ocupa un terreo de 40 quilómetros cadrados adxacente á costa no leste de Pudong. O aeroporto está xestionado pola Autoridade Aeroportuaria de Shanghai.
O aeroporto de Pudong ten dúas terminais principais de pasaxeiros, flanqueadas a ambos os dous lados por catro pistas paralelas. Desde 2015 está prevista unha terceira terminal de pasaxeiros, ademais dunha terminal satélite e dúas pistas adicionais, o que aumentará a súa capacidade anual de 60 millóns de pasaxeiros a 80 millóns, xunto coa capacidade de xestionar seis millóns de toneladas de mercadorías.
