Shanghai Pudong International Airport is ien fan twa ynternasjonale fleanfjilden fan Shanghai en in wichtich loftfeartknooppunt fan Sina. Pudong Airport tsjinnet benammen ynternasjonale flechten, wylst de oare grutte lofthaven fan 'e stêd, Shanghai Hongqiao International Airport, benammen binnenlânske en regionale flechten tsjinnet. Pudong Airport leit sawat 30 kilometer eastlik fan it stedssintrum en beslacht in terrein fan 40 kante kilometer oan 'e kustline yn eastlik Pudong. De lofthaven wurdt eksploitearre troch Shanghai Airport Authority.
Pudong Airport hat twa haadpassazjiersterminals, oan beide kanten flankearre troch fjouwer parallelle start- en lâningsbanen. In tredde passazjiersterminal is sûnt 2015 pland, neist in satellytterminal en twa ekstra start- en lâningsbanen, dy't de jierlikse kapasiteit fan 60 miljoen passazjiers nei 80 miljoen ferheegje sille, tegearre mei de mooglikheid om seis miljoen ton fracht te behanneljen.
